Viðskiptavinir í lausnum Digido skuldbinda sig við samning til að vera í að lágmarki þann binditíma sem samningur kveður á um. Gjaldið er skuldfært mánaðarlega. Eftir binditíma er uppsagnarfrestur samnings að lágmarki sex mánuðir. Uppsögn miðast við mánaðarmót óháð því hvaða mánaðardag uppsögn er gerð. Uppsögn skal skila skriflega. Berist uppsögn sex mánuðum fyrir lok binditíma eða fyrr, tekur uppsögn gildi að binditíma loknum, aldrei fyrr.

Þessi lausn er byggð upp sem áskriftarmódel þar sem viðskiptavinur greiðir mánaðarlegt gjald fyrir vefþróun og aðgengi að fyrirfram skilgreindum síðum og þjónustu. Aðgengi viðskiptavinar að þjónustu dettur út ef viðkomandi segir upp áskrift. Viðskiptin hefjast formlega við “kick-off”, undirskrift eða skriflegt samþykki t.d. í tölvupósti og miðast fyrsti reikningur við það sem kemur fyrst. Mánaðarlegar greiðslur eru tengdar vísitölu og berast reikningar sjálfvirkt úr bókhaldskerfi inn í fyrirtækjabanka. Ekki er hægt að fá endurgreiðslu fyrir tímabil sem viðskiptavinur nýtir sér ekki lausnina. Allar einingar sem eru smíðaðar af Digido má Digido endurnýta fyrir önnur verkefni.

Reikningar vegna veittrar þjónustu eru almennt sendir mánaðarlega. Gjalddagi reikninga er tilgreindur á reikningunum sjálfum, en er almennt sjö (7) dögum eftir útgáfu þeirra. Dráttarvextir samkvæmt lögum nr. 38/2001 um vexti og verðtryggingu leggjast ofan á gjaldfallnar kröfur allt til greiðsludags þeirra. Athugasemdir skulu gerðar við útgefna reikninga innan sjö (7) daga frá útgáfu þeirra en teljast ella samþykktir. Krafa verður stofnuð í netbanka.

Digido er heimilt að endurnota allar hugmyndir, hönnun, hugverk, vefeiningar, sérþekkingu og aðferðir sem stafa af þeirri þjónustu sem innt er af hendi og verkefnaviðaukum hans sem Digido hefur þróað eða útbúið í samvinnu við viðskiptavin.

Hönnunar-, vefkerfi og hugverk nefnt Vefir í áskrift, er eign Digido og er það sem kallast SaaS lausn (Software as a service). SaaS lausnir ganga út á að þjónustuaðilinn (í þessu tilviki Digido) á og hýsir stafræna lausn sem gert er aðgengilegt viðskiptavin yfir internetið. Stafræna lausnin er ekki sett upp á hverri útstöð fyrir sig hjá viðskiptavin, heldur er keyptur mánaðarlegur aðgangur að stafrænu lausninni sem er sett upp fyrir viðskiptavin svo hægt sé að fá aðgang að því sem svo dettur út að áskrift lokinni. Vefir í áskrift eru fyrirfram skilgreindar vefsíður / vefeiningar sem hannaðar eru og aðlagaðar eru að þörfum viðskiptavinar. Digido er frjálst að selja aðgang að Vefir í áskrift til hvers sem óskar eftir að kaupa aðgang að þeirri stafrænu lausn. Lausnir í eigu Digido er óheimilt að endurleigja, endurnýta eða lána til þriðja aðila með eða án endurgjalds og heimildar Digido.

Digido ber ekki ábyrgð á tjóni sem rekja má til breytinga á kerfum 3ja aðila eða annarra utanaðkomandi áhrifa. Sem dæmi má nefna vefumsjónarkerfi. Digido ber ekki ábyrgð á tjóni sem rekja má til breytinga á veituspennu, rafmagnstruflana eða annarra utanaðkomandi áhrifa. Ef samningsaðili getur ekki uppfyllt skyldur sínar samkvæmt samningnum vegna neyðarréttarlegra, óviðráðanlegra atvika falla skuldbindingar hans, þ.m.t. möguleg bótaábyrgð, niður á meðan slíkt ástand varir.

Digido ber ekki ábyrgð á tilvikum þar sem starfsmaður lögaðila villir á sér heimildum og/eða aðgangsheimildum til að fá aðgang að kerfum eða þjónustu, ef í ljósi viðskiptasögu og samskipta megi áætla að óskir þessa starfsmanns séu á engan hátt saknæmar. Notkun vörunnar í starfsemi viðskiptavinar sem kaupir uppsetningu vörunnar af Digido er alfarið á ábyrgð viðskiptavinar.
Ef villu í stafrænu lausninni (t.d. vefsíðum, einingum eða virkni) sem má rekja til uppsetningar viðskiptavinar eða þriðja aðila á lausninni, öðrum hugbúnaði Framer eða hugbúnaði frá þriðja aðila (sbr. Hubspot, Typeform, Mailchimp etc):

Villu í lausninni er að rekja til villu eða galla í hugbúnaði þriðja aðila og/eða vélbúnaði frá þriðja aðila.
Villu í lausninni er að rekja til þess að lausninni hafi, án heimildar Digido, verið breytt eða aðlagað (eða reynt að breyta eða aðlaga) af verkkaupa eða þriðja aðila.
Villu í lausninni er að rekja til þess að kerfið er notað á annan hátt en gert er ráð fyrir og Digido hefur sannanlega leiðbeint viðskiptavin um rétta notkun.
Villu í lausninni er að rekja til force majure, þ.e. til bilana í rafmagni, slysa, stríðsátaka, náttúruhamfara, deilna á vinnumarkaði, fyrirmæla stjórnvalda eða annarra óvæntra og ófyrirséðra atvika, sem Digido er ekki unnt að fyrirbyggja.

Finnist villa í lausninni og fyrrgreindar takmarkanir á ábyrgð vörunnar eru ekki fyrir hendi, skuldbindur Digido sig til að lagfæra villur í lausninni á sinn kostnað, á meðan þjónustusamningur er í gildi.

Markaðs- og veftól á borð við Hubspot, Formspark, Intercom, Mailchimp, Calendly og Typeform eru ekki innifalin í mánaðlegu gjaldi.
Nauðsynleg tól, tæki og þjónusta í vefþróun eru innifalin í mánaðarverði, þ.a.m. hýsing, vefumsjónar-, og hönnunarkerfið. Um er að ræða Figma og Framer.

Samningur þessi og innihald hans er háð trúnaði á milli samningsaðila. Öll gögn og upplýsingar sem verksali verður vísari um verkkaupa og aðila tengda honum skal vera trúnaðarmál þeirra á milli. Verkkaupi skal á sama hátt gæta fyllsta trúnaðar um þau gögn og þær upplýsingar er varða verksala. Trúnaðarskylda starfsmanna samningsaðila skal haldast ótímabundið eftir að þeir hafa lokið störfum í þágu samningsaðila og eftir uppsögn eða riftun samnings aðila.

Ef upp koma mál vegna ágreinings um framkvæmd samnings þessa sem ekki er mögulegt að leysa með samkomulagi beggja skal reka málið fyrir Héraðsdómi Reykjavíkur.